اسلام آباد :وزیرِ اعظم عمران خان سے پاکستان تحریکِ انصاف امریکہ کے سابق صدرسجاد برکی نے ملاقات کی ہے ۔ ملاقات کے دوران سجاد برکی نے وزیرِ اعظم کو سمندر پار پاکستانیوں کو حقِ رائے دہی دینے پر خراجِ تحسین پیش کیا۔انہوں نے سمندر پار پاکستانیوں کیلئے سہولیات کی فراہمی ، روشن ڈیجیٹل اکاؤنٹ کے ذریعے رقوم بھیجنے میں آسانی پیدا کرنے اور سوہنی دھرتی ریمیٹنس پروگرام سے متعلق سمندر پار پاکستانیوں کی پزیرائی سے بھی آگاہ کیا۔
