ملک میں پیٹرول مہنگا ہوتے ہی ٹرانسپورٹ کرایوں میں  بھی 20فیصد اضافہ کردیا گیا۔

تفصیلات کے مطابق  آل پاکستان پبلک ٹرانسپورٹ اونرز فیڈریشن نے ڈی ریگولیٹ پالیسی کے تحت کرایوں میں 20فیصد اضافے کا اعلان کردیا۔فیڈریشن کے ترجمان ایچ ایم جہانگیرکا کہنا ہے کہ روپےکی قدر میں کمی کی وجہ سے اسپیئر پارٹس کی قیمتوں میں بھی 50 فیصد اضافہ ہو چکا ہے۔انہوں نےمزید کہا کہ ٹرانسپورٹ کرایوں میں اضافے کا اطلاق آج سےہی ہوگا۔