پاکستان اسٹیٹ آئل کےترجمان نےملک میں پیٹرولیم مصنوعات کےذخائرسے متعلق وضاحت جاری کی ہے۔ترجمان کے مطابق ملک میں پمپس پرپیٹرولیم مصنوعات معمول کے مطابق دستیاب ہیں، پیٹرول، ڈیزل کی سپلائی چین میں کوئی تعطل نہیں آیا۔بیان میں کہا گیا ہےکہ اوگرا ذخائر سےمتعلق آئل مارکیٹنگ کمپنیز کی مانیٹرنگ کررہاہے،ملک میں پیٹرولیم مصنوعات کے مطلوبہ ذخائر موجود ہیں۔
وزیراعلیٰ خیبرپختونخوا محمود خان کی جانب سے اسمبلی توڑنے کی سمری گورنر کے پی غلام علی کو موصول ہوگئی۔کچھ دیر قبل وزیر اعلیٰ خیبرپختونخوا محمود خان نے اسمبلی توڑنے کی ایڈوائس گورنر کو بھیجتے ہوئے کہا تھا کہ ملکی مفاد میں خیبرپختونخوا اسمبلی توڑنے کا فیصلہ کیا، عام انتخابات میں ملک میں دو تہائی اکثریت سے حکومت قائم کریں گے۔
افریقی ملک برکینا فاسو میں مسلح افراد نے مسجد پرحملہ کرکے 9 نمازیوں کو شہید کردیا۔سیکیورٹی ذرائع کی فراہم کردہ معلومات کے مطابق نامعلوم مسلح افراد نے سحل علاقے کے فالاگونتو ضلع کی ایک مسجد پر شام کی نمازکےدوران حملہ کیا،واقعےمیں 9 افراد شہید ہوگئے۔واقعےکےبعد سیکیورٹی فورسز نے علاقے کو گھیرے میں لے لیا، واقعے کی تحقیقات جاری ہیں۔
کراچی: وزیر اطلاعات سندھ شرجیل انعام میمن نے سی پی این ای کو 1 کروڑ،پی ایف یوجےکو 50 لاکھ روپے کےانڈومینٹ فنڈ کےچیک فراہم کردیے۔سی پی این ای کے سیکرٹری جنرل عامر محمود و دیگر نے صوبائی وزیرسےانڈومینٹ فنڈ کا 1 کروڑ روپےکا چیک وصول کیا۔ پاکستان فیڈرل یونین آف جرنلسٹس کی جانب سےلالااسد پٹھان نے 50 لاکھ روپے کا چیک وصول کیا۔
کراچی: پاکستان کی معروف اداکارہ ثناء جاوید نے اپنے مداحوں کو خبردار کرتے ہوئے بتایا کہ ان کا ٹویٹر پر کوئی اکاؤنٹ نہیں ہے۔اداکارہ نے اس حوالے سے اپنے انسٹاگرام پر ایک پوسٹ شیئر کی ہے اور اپنے مداحوں کو فیک اکاؤنٹ کو رپورٹ کرنے کی درخواست کی ہے۔
پشاور: وزیراعلیٰ خیبر پختونخوا کے معاون خصوصی برائےاطلاعات بیرسٹر محمد علی سیف نےپشاور میں گفتگو کرتے ہوئے بیرسٹر سیف نے کہا کہ یہ کئی سال پرانا اور مردہ کیس ہے، اچانک سی ڈی اےکو کیس یاد آگیا اور وارنٹ جاری کردیا، مقدمے پر کارروائی سے متعلق مجھے کبھی مطلع نہیں کیا گیا، میرےوکلاء قانونی طورپراس کیس کو دیکھیں گے۔
ذرائع کے مطابق نواز شریف اور مریم نواز کا جینیوا میں ایک ہفتہ قیام متوقع ہے، نواز شریف کے ایک معالج بھی جینیوا میں مقیم ہیں ان سے بھی ملاقات متوقع ہے جبکہ نواز شریف کے ہمراہ خاندن کے دو مزید افراد بھی جینیوا گئے ہیں اور نواز شریف کی جینیوا میں چند ذاتی ملاقاتیں بھی متوقع ہیں۔
جاوید لطیف نےکہا اگلے10 سے 15 روز بعد پرویز الہٰی وزیراعلیٰ کے عہدے پر نظر نہیں آرہے۔ دوسری جانب ذرائع کے مطابق تحریک انصاف کو پنجاب اسمبلی میں پرویز الہٰی کے لیے 186 ووٹ حاصل کرنے میں مشکلات کا سامنا ہے،عمران خان کو آگاہ کردیا گیا ہےکہ بعض ارکان کے پارٹی پالیسی کے خلاف جانےکا خدشہ ہے۔
پاکستان کرکٹ بورڈکی منیجمنٹ کمیٹی نے ڈومیسٹک کرکٹرز کے بقایاجات کی ادائیگی ترجیحی بنیادوں پر دینے کا کام مکمل کر لیا ہے۔ذرائع کا کہنا ہے کہ ڈومیسٹک کرکٹرز کو پہلے مرحلے میں چار ماہ کا معاوضہ دیا جائے گا اس کے بعد ہر ماہ معاوضہ دیا جائے گا۔ذرائع منیجمنٹ کمیٹی کے مطابق کل سے 189 کرکٹرز کو ادائیگیوں کا کام شروع ہوگا۔
ایس ایچ او سندر ابرار حیدر نے بتایا کہ ہلاک ڈاکو عرفان عرف کوڈو متعدد وارداتوں میں مطلوب تھا، پولیس نے لاش قبضہ میں لے لی جبکہ ڈاکو کے دیگر دو ساتھی فرار ہو گئے۔انہوں نے تبایا کہ ڈاکو وں نے فائرنگ کر کے اے ایس آئی عاصم اور کانسٹیبل کو شہید کیا تھا۔ پولیس مقابلے میں ہلاک ڈاکو کی اسلحہ ذور پر لوٹنے کی فوٹیج بھی سامنے آگئی۔
ایف بی آر کی جانب سےجاری اعداد وشمار کےمطابق گزشتہ سال کی نسبت ٹیکس آمدن میں 17 فیصد اضافہ ہوا،دسمبر 202 میں 740 ارب روپےکا ٹیکس جمع ہواجب کہ دسمبر 2021 میں 599 ارب روپےکا ٹیکس جمع ہوا تھا۔رواں مالی سال پہلی ششماہی میں 176 ارب روپے کا ٹیکس ریفنڈ دیا گیا جب کہ گزشتہ مالی سال پہلی ششماہی میں 149 اربروپےکا ٹیکس ریفنڈ اداکیا گیا تھا۔
سکھر حیدر آباد موٹر وے منصوبے میں دو سو ارب روپے سے زائد کی کرپشن کی تحقیقات کرنے والی جے آئی ٹی کے سربراہ چیئرمین اینٹی کرپشن سندھ کا تبادلہ کردیا گيا۔جے آئی ٹی سربراہ چیئرمین اینٹی کرپشن سندھ ڈاکٹر محمدنواز شیخ کا تبادلہ کرکے عثمان غنی صدیقی کو نیاچیئرمین اینٹی کرپشن سندھ مقرر کر دیا گیا ہے۔
سیلاب کے بعد سندھ کےمختلف اضلاع میں پھوٹنےوالی ملیریا کی وبا اب کراچی بھی پہنچ گئی ہے، ضلع کیماڑی کےمبارک ولیج میں تقریباً ہر گھر میں ملیریا کا مریض ہے۔ چند ہفتوں میں ملیریا کےباعث 7 افرادکی موت بھی ہوچکی ہے،افسوس ناک بات یہ کہ مبارک ولیج پیپلز پارٹی کے رہنما اور وفاقی وزیر صحت عبدالقادر پٹیل کا انتخابی حلقہ ہے
حکومت پاکستان نے منسوخ شدہ پرائز بانڈز کو منہانے کی تاریخ 30 جون 2023 تک بڑھا دی ہے۔ان پرائز بانڈ میں 7500 ، 15000 ، 25 ہزار اور 40 ہزار کے پرائز بانڈ شامل ہیں۔ بانڈ ہولڈرز ان بانڈ کو اپنے بینک کھاتوں میں نقد، 25 اور 40 ہزار کے پریمیم بانڈز خرید کر یا انہیں اسپیشل سیونگز سرٹیفیکٹس یا ڈیفنس سیونگ سرٹیفیکٹس میں تبدیل کراسکتے ہیں۔
چلی میں شدید گرمی کا راج، ہیٹ ویو سے شہریوں کا جینا محال ہوگیا، شدید گرمی سے جنگلات میں آگ لگ گئی۔غیر ملکی میڈیا کے مطابق جنوبی امریکی ملک چلی میں شدید گرمی کے باعث جنگلات میں آگ بھڑک اٹھی، آگ نے سترہ ہزار ایکڑ رقبے کو لپیٹ میں لے لیا، سیکڑوں فائر فائٹرز آگ بجھانے میں مصروف ہیں۔ ،
تحریک انصاف کےرہنما فیصل واوڈا کو سینیٹ کی نشست پربحال کردیا گیا اور اس حوالے سے الیکشن کمیشن نے نوٹیفکیشن بھی جاری کردیا ہے۔الیکشن کمیشن کا کہنا ہے کہ فیصل واوڈا کو سپریم کورٹ کےفیصلےکی روشنی میں سینیٹ کی نشست پربحال کیاگیا۔فیصل واوڈا بحالی کےبعد سپریم کورٹ کے فیصلے کے مطابق سینیٹ کی نشست سے استعفیٰ دے سکیں گے۔
مقامی میڈیا کے مطابق مشتعل مظاہرین نےگورنر آفس کی عمارت کے کچھ حصوں میں آگ لگا دی، مظاہرین نے حکومت مخالف نعرے لگائے اور صدر بشار الاسد سے مستعفی ہونے کا مطالبہ کیا۔مظاہرین نے گورنر آفس کی عمارت پر لگی صدر بشار الاسد کی تصویر بھی پھاڑ دی، سکیورٹی فورسز کی جانب سے مظاہرین پر فائرنگ سے ایک شخص ہلاک اور چار زخمی ہوگئے۔
ممبئی:لیجنڈری اداکار یوسف خان المعروف دلیپ کمارکی 100 ویں سالگرہ کےموقع پرفلم فیسٹیول کا انعقاد کیا گیا۔فلم فیسٹیول میں دلیپ کمارکی مشہور فلموں ’آن‘، ’شکتی‘ اور ’دیوداس‘ کوایک بار پھرسنیما گھروں میں ریلیز کیا جائےگا۔مرحوم اداکار کی یہ تینوں یادگار ترین فلمیں ہیں جنہیں بڑی اسکرین پر دیکھ کر ادکار کےمداح ایک بار پھر اپنےپسندیدہ لمحات کودہرا سکیں گے۔
اسلام آباد میں کسی بھی قسم کی ریلی، جلسے جلوس یا احتجاج پرپابندی عائد کردی گئی ہے۔نوٹیفکیشن کے مطابق 5 یا اس سے زائد افراد ریلی یا جلسے کیلئے ریڈ زون میں بھی جمع نہ ہوں۔نوٹیفکیشن کے مطابق دفعہ 144 کا نفاذ 23 جنوری 2023 تک کیلئے کیا گیا ہے،اسلام آباد میں پہلے سے نافذ دفعہ 144 کی پابندی گزشتہ شام ختم ہوئی تھی
پاکستان ہاکی ٹیم کو جنوبی افریقا کا ویزا مل گیا۔ذرائع کے مطابق ویزا ملنے کے بعد قومی ٹیم کی کل جنوبی افریقا روانگی متوقع ہے۔ ایف آئی ایچ نیشن کپ 28 نومبر سے شروع ہوگا جس میں 8 ٹیمیں شرکت کریں گی۔پاکستان پہلامیچ 28 نومبر کو میزبان جنوبی افریقا کے خلاف کھیلےگا۔
برطانیہ نےبھارت،جرمنی، جاپان اور برازیل کے لیے اقوام متحدہ کی سلامتی کونسل میں نئی مستقل نشستوں کے قیام کے لیے اپنی حمایت کا اعادہ کیا ہے اور ساتھ ہی مستقل و غیر مستقل دونوں زمروں میں کونسل کی توسیع پر بھی زور دیا ہے۔بھارت نے دعویٰ کیا ہے کہ برطانیہ نے وعدہ کیا ہے کہ وہ بھارت کے ساتھ ہے
حیدرآباد سکھر موٹر وے کے فنڈز میں غبن کے الزام میں گرفتار ڈپٹی کمشنرمٹیاری عدنان رشید کوعدالت نے تین روزہ ریمانڈ پر اینٹی کرپشن پولیس کے حوالے کردیا۔اینٹی کرپشن پولیس نے ملزم عدنان رشید کو گرفتاری کےبعد اینٹی کرپشن عدالت میں پیش کیا، ملزم کو گزشتہ روز انکوائری میں ذمےدار قراردیےجانے کےبعد ڈپٹی کشمنرمٹیاری کےعہدے سے ہٹادیا گیا تھا
ورجینیا:امریکی ریاست ورجینیا کی ایک یونیورسٹی کیمپس میں مسلح نوجوان نےطلبا کی بس پر اندھا دھند فائرنگ کردی جس کے نتیجےمیں 3 طلبا ہلاک اور 2 زخمی ہوگئے۔شارلٹس وِل یونیورسٹی کے کیمپس میں ورجینیا کیولیئرز رگبی فٹبال ٹیم کےسابق کھلاڑی طالب علم نےاپنی ہی ٹیم کےساتھیوں پراس وقت فائرنگ کردی جب وہ لوگ ٹرپ سےواپس ایک بس پر کیمپس پہنچےتھے۔
سعودی عرب نے پاکستان کےساتھ کمیونیکیشن اور انفارمیشن ٹیکنالوجی میں تعاون کاعزم ظاہرکیا ہےجس کی منظوری سعودی فرمانرواشاہ سلمان بن عبدالعزیزنےدی ہے۔خادم الحرمین الشریفین شاہ سلمان بن عبدالعزیز کی زیر صدارت اجلاس میں سعودی وزیر مواصلات و انفارمیشن ٹیکنالوجی کو پاکستان کی وزارت انفارمیشن ٹیکنالوجی و کمیونیکیشن کےساتھ تعاون کی مفاہمتی یادداشت پر دستخط کا اختیار تفویض کیا ہے۔
سوشل میڈیا پروائرل ڈکیتی کی ویڈیو ڈرامہ نکلی۔پولیس نےپکڑا توچاروں دوستوں نے واقعےکی حقیقت بتادی اورکہا یہ محض مذاق تھا، سوشل میڈیا پر ویڈیو بنانے کیلئے ڈرامہ رچایا۔وائرل ہونے والی ویڈیو میں دیکھا جاسکتا ہےکہ ایک نوجوان اوراس کا دوست گلی میں ویڈیو بنا رہےہیں اچانک دوموٹرسائیکل سوار آکرموبائل فون چھین لیتے ہیں،نوجوان کے جھپٹںے پرملزمان فرار ہوجاتے ہیں۔
امریکا میں وسط مدتی انتخابات میں ایوان نمائندگان کی تمام 435 سیٹوں، سینیٹ کی 100 میں سے 35 سیٹوں پر ووٹنگ ہوئی جبکہ 36 ریاستی گورنروں کے انتخابات بھی ہوئے۔وسط مدتی انتخابات میں ریپبلکن پارٹی نے اپنی سیٹوں کی تعداد بڑھالی۔ ایڈیسن مرکز برائےشماریات کے مطابق تازہ ترین نتائج میں ایوان نمائندگان میں ڈیموکریٹس کی 197 کے مقابلے میں ریپبلکنز نے 211 سیٹیں حاصل کرلی ہیں۔
ذرائع نے بتایا ہےکہ وفاقی حکومت کی طرف سے فراہم کردہ اہلکاروں پر ماہانہ ایک کروڑ 70 لاکھ 43 ہزار 800 روپے خرچ کیے جارہے ہیں۔عمران خان کی سیکورٹی پر صرف وفاق کی جانب سے سالانہ 20 کروڑ47 لاکھ75 ہزار 600 روپےخرچ کا تخمینہ لگایا گیا ہے۔وفاقی حکومت کےعلاوہ دیگر سیکورٹی اہلکاروں پر ماہانہ 44 لاکھ 40 ہزارجبکہ سالانہ 5 کروڑ 32 لاکھ 80 ہزار روپے کی لاگت آرہی ہے۔
مسلم لیگ ن کےرہنما پرویز رشید نےسینیٹ کی نشست سےمصطفیٰ نوازکھوکھرکےاستعفے پراپنے ردعمل میں کہا ہےکہ جمہوری جماعتیں اپنی اختلافی آوازوں کو زندہ رکھنے پرفخر کرتی ہیں۔ پرویز رشید نےسینیٹ کی نشست سےمصطفیٰ نوازکھوکھرکے مستعفی ہونے کہا کہ سصطفیٰ نواز کھوکھر ایسی ہی آواز ہے جسے سننےاور سمجھنے سے گفتگوکا وہ عمل شروع ہوتا ہے جس کا اختتام سچائی ہے۔
لندن میں موجود پاکستان مسلم لیگ ن کے قائد اور سابق وزیراعظم نواز شریف کو سفارتی پاسپورٹ جاری کر دیا گیا۔نواز شریف کے خاندانی ذرائع نے تصدیق کی ہے کہ سابق وزیراعظم کو سفارتی پاسپورٹ مل گیا ہے۔دوسری جانب نواز شریف کا بھی کہنا ہےکہ سفارتی پاسپورٹ ان کے پاس کئی دن سے موجود ہے۔
ٹی ٹوئنٹی ورلڈ کپ کے دوسرے سیمی فائنل میں انگلینڈ نے بھارت کو 10 وکٹوں سے بدترین شکست دے کر فائنل کے لیے کوالیفائی کرلیا۔ انگلش کپتان جوز بٹلر نے ٹاس جیت کر بھارتی کپتان روہت شرما کو بیٹنگ کی دعوت دی۔بھارت نے پہلے بیٹنگ کرتے ہوئےمقررہ 20 اوورز میں 168 رنز بنائے اور انگلینڈ کو 169 رنز کا ہدف دیاجوانگلینڈ نے حاصل کرلیا
