کاروبار

بی آر ٹی پشاورمبینہ کرپشن کی تحقیقات نیب نےپھر شروع کردیں

قومی احتساب بیورو کے حکام نے بھی تصدیق کردی ہے کہ نیب خیبر پختونخوا نے میگا پروجیکٹ بی آر ٹی پشاور میں مبینہ کرپشن کی تحقیقات شروع کردیں۔خیبر پختونخوا حکومت سےبی آر ٹی پشاور منصوبےکا ریکارڈ مانگ لیا ہےاس کےعلاوہ ایڈیشنل چیف سیکریٹری پی اینڈ ڈی کونیب نے خط لکھا ہےاور بی آر ٹی منصوبے کا ریکارڈ طلب کیا ہے

ایف آئی اے کی کارروائی،ملکی وغیرملکی کرنسی برآمد

ایف آئی اے کارپوریٹ کرائم سرکل کراچی نے خفیہ اطلاع پر کراچی کےعلاقےگورومندرمیں کارروائی کرتےہوئےہنڈی حوالہ اورمنی ایکسچینج کے غیر قانونی کاروبار میں ملوث ملزم عتیق محنتی کوگرفتارکرلیا گیاملزم اپنی رہائشگاہ سے ہنڈی حوالہ اور منی ایکسچینج کا غیر قانونی کاروبار چلانے میں ملوث ہے ملزم کے قبضے سے 5100000 روپے پاکستانی،2000 امریکی ڈالر، 2 موبائل فونز اور لیپ ٹاپ برآمد کرلئے

محکمہ صحت پنجاب کی وفاق کو پیناڈول کی قیمتوں میں اضافے کی تجویز

وزیر صحت پنجاب یاسمین راشد کا کہنا ہے کہ پیناڈول کی فی گولی 90 پیسے قیمت بڑھانے کی تجویز دی گئی ہے۔ پیناڈول تیار کرنے والی کمپنیوں کو ریٹ کم ہونے پر اعتراض ہے۔ڈالر کی اونچی اڑان کے باعث مینوفیکچررز متاثر ہو رہے ہیں مینوفیکچررز کا اعتراض ہے کہ ایک روپے 70پیسے میں فی گولی بیچنا سود مند نہیں

بدترین سیلاب اور طوفانی بارشیں : پاکستان کا پڑوسی ممالک سے رابطہ منقطع

بلوچستان میں بدترین سیلاب اور بارش کے باعث پاکستان کی ایران ، ترکی اورافغانستان کیساتھ تجارت معطل ہوگئیبارش کےبعد ترکی ، ایران اور افغانستان کےدرمیان رابطہ پل بھی ٹوٹ گیا اور لینڈ سلائڈنگ کےباعث قراقرم ہائی وے اور بابو سر روڈ بند ہیں۔ بلوچستان کے چونتیس اضلاع پانی میں ڈوبےہیں، ریلوے ٹریک بند ہیں اور رابطہ سڑکیں تباہ ہوگئیں ہیں۔

کوئٹہ میں گیس سپلائی تاحال معطل، ایل پی جی کےنرخ میں من مانا اضافہ

کوئٹہ شہر اور دیگر علاقوں میں گیس کی سپلائی تاحال معطل ہے ایل پی جی سلینڈر کی دکانوں پررش بڑھ گیا ہےاور دکانداروں نے طلب بڑھنےپر گیس کےنرخ میں من مانا اضافہ کر دیاہے۔کوئٹہ میں ایل پی جی فی کلو 300 روپےتک میں فروخت کی جا رہی ہےجبکہ نواحی علاقوں میں ایل پی جی 400 روپےفی کلومیں فروخت کی جا رہی ہے۔

اسٹاک مارکیٹ میں مندی، 100 انڈیکس 43 ہزار پوائنٹس سے نیچے چلا گیا

پاکستان اسٹاک ایکسچینج میں کاروباری دن کے دوران منفی رجحان رہا اور 100 انڈیکس 43 ہزار پوائنٹس سے نیچے چلا گیا۔پاکستان اسٹاک ایکسچینج میں کاروبارکا منفی دن رہا، 100 انڈیکس 441 پوائنٹس کم ہوکر 42591 پر بند ہوا۔آج بازار میں 26 کروڑ 57 لاکھ شیئرز کے سودے ہوئے،شیئرز  بازار کے کاروبار کی مالیت 9 ارب روپے سے زائد رہی،مارکیٹ کیپٹلائزیشن 41 ارب روپے کم ہوکر 7110 ارب روپے ہے۔

صحافی بن کر تاجروں سے بھتہ وصول کرنے والے دو ملزمان گرفتار

لاہور میں صحافی بن کر تاجروں سے بھتہ وصول کرنے والے دو ملزمان گرفتار کر لئے گئے، گرفتار ملزمان میں وقار اور آصف شامل ہیں۔ملزمان نے تاجر عباس حسین سے کاروبار جاری رکھنے کے عوض 5 لاکھ روپے بھتہ طلب کیا۔ملزمان نے تاجر کوڈرا دھمکا کر دس ہزار روپے جاز کیش اور 5500 روپے لیے ۔

ریلویز پولیس کا اینٹی انکروچمنٹ آپریشن ، کروڑوں کی کمرشل ریلوے اراضی واگزار کروا لی

ریلویز پولیس کے مطابق اینٹی انکروچمنٹ آپریشن پھاٹک نمبر 25 نزد ریلوے سٹیشن کامونکی کے مقام پر عمل میں لایا گیا انکروچمنٹ آپریشن کے نتیجے میں1 کنال کمرشل ریلوے اراضی مالیتی 4 کروڑ روپے قابضین سے واگزار کروائی گئی-قابضین ریلوے اراضی پر عرصہ دراز سے کاروبار کر رہے تھےکمرشل اراضی واگزار کروا کر ریلویز حکّام کے حوالے کی گئی-

دھوکا دہی کا الزام: ایمازون نے پاکستان کے 13000 اکاؤنٹس معطل کردیئے

ایمازون نے 13000 سے زیادہ پاکستانی سیلر اکاؤنٹس کو بند کر دیا ہے، ایمازون نےپنجاب کے شہروں میاں چنوں اورساہیوال کو فراڈ ریڈ زون قرار دیا ہےان علاقوں سے کام کرنے والے سیلرز دھوکا دہی کی سرگرمیوں میں ملوث پائے گئے ہیں میاں چنوں کے آئی پی ایڈریسز بھی بلاک کردیئے ہیں اب ان علاقوں کےلوگ دبئی سےیادوسرےکلائنٹس کےکمپیوٹرزکےذریعےاکاؤنٹس چلا رہےہیں۔

سونا مزید سستا ہوگیا

بین الاقوامی مارکیٹ میں سونےکےداموں میں مسلسل اضافہ دیکھاجارہا ہےاور سونے کی فی اونس قیمت ایک مرتبہ پھر 1800 ڈالر سے تجاوز کرگئی ہے۔ہفتے کے روز انٹر نیشنل بلین مارکیٹ میں سونا 12 ڈالر مزید مہنگا ہوکر 1802 ڈالر کا ہوگیا۔مقامی صرافہ بازاروں میں سونا 500 اور 429 روپے سستا ہوکر بالترتیب ایک لاکھ 38 ہزار 500 روپے فی تولہ اور ایک لاکھ 18 ہزار 741 روپے کا ہوگیا۔

چینی کمپنی نیوگوادرانٹر نیشنل ایئرپورٹ کوجدید ترین مواصلاتی نظام فراہم کرے گی

نیوگوادرانٹر نیشنل ایئرپورٹ کےلیےپروفیشنل کمیونیکیشن ٹیکنالوجیز اورسلوشنز فراہم کرنے والی چینی کمپنی ہائیٹیر (Hytera) جدید ترین مواصلاتی نظام فراہم کرےگی۔جسمیں DIB-R5 1کمپیکٹ ٹیٹرا بیس اسٹیشن، اسمارٹ ون ڈسپیچ سسٹم، متعدد پورٹیبل ریڈیوز، موبائل ریڈیوز اور ریپیٹر زشامل ہیں۔ایئرپورٹ جو 4,300 ایکڑ رقبے پرتعمیر کیا گیاہےتوقع ہےکہ 2023 میں اپنی تکمیل کےبعدپاکستان کا سب سےاور یہ (CPEC) کےتحت اہم منصوبوں میں سےایک ہے۔

ایل پی جی کی قیمت میں 10 روپے فی کلو کمی

لاہور: ایل پی جی کی قیمت میں 10 روپے فی کلو کمی ہوگئی۔چیئرمین ایل پی جی ڈسٹری بیوٹرز عرفان کھوکھر کے مطابق ایل پی جی کی قیمت میں 10 روپے فی کلو کمی ہوئی ہے جس کے بعد ایل پی جی کی فی کلو قیمت 218 روپے ہوگئی ہے۔ ایل پی جی کا گھریلو سلنڈر 120 روپے اور کمرشل سلنڈر 450 روپے سستا ہوگیا ہے۔

کراچی سمیت سندھ بھر میں کل سے گیس سپلائی بند

کراچی: سوئی سدرن گیس کمپنی نے 72 گھنٹے کے لیے سی این جی بند کرنے کا اعلان کردیا۔سوئی سدرن کے مطابق کراچی سمیت سندھ بھر میں سی این جی بند کی گئی ہے جس کے تحت کل صبح 8 بجے سے 15 اگست تک سی این جی دستیاب نہیں ہوگی۔

انٹر بینک میں ڈالر 230 روپے کا ہو گیا

انٹربینک میں ڈالر کی قدر میں اضافے کا سلسلہ جاری ہے پیر کے روز کاروباری ہفتے کے آغاز پر ایک بار پھر انٹربینک میں ڈالرکی قدر میں اضافہ دیکھا جارہا ہے اور ڈالر کی قدر میں اب تک ایک روپے 67 پیسے کا اضافہ ہوا ہے۔اس وقت ڈالر ملکی تاریخ کی بلند ترین سطح پر 230 روپے پر ٹریڈ کررہا ہے-

آئی ایم ایف کیساتھ اسٹاف لیول معاہدہ اہم سنگ میل ہے،قائم مقام گورنر اسٹیٹ بینک

قائم مقام گورنر اسٹیٹ بینک ڈاکٹر مرتضیٰ سید نے ایس بی پی پوڈ کاسٹ پر گفتگو کرتے ہوئے کہا کہ آئی ایم ایف پروگرام آن ٹریک ہے، آئی ایم ایف کیساتھ اسٹاف لیول معاہدہ اہم سنگ میل ہے، آئی ایم ایف کے ساتھ معاہدے کو اتنا آسان نہ لیا جائے۔آئی ایم ایف حکام تمام اقدامات سے مطمئن ہیں

روپے کی بے قدری کا سلسلہ جاری،ڈالر 227 روپے کی نئی تاریخی بلند ترین سطح پر پہنچ گیا

فاریکس ڈیلرز ایسوسی ایشن کے مطابق انٹربینک ڈالر 2 روپے 8 پیسے مزید مہنگا ہوگیا ڈالر مزید 2 روپے8 پیسے مہنگا ہو کر227 روپے کی نئی تاریخی بلند ترین سطح پرٹریڈ ہورہا ہےگزشتہ روز ڈالر224 روپے92 پیسوں کی سطح پربند ہواتھا

ڈالر مزید 4 روپے مہنگا ہو کر226 روپے کی نئی بلند ترین سطح پر پہنچ گیا

ملک میں ڈالر کی قیمت میں اضافے کا سلسلہ جاری ہےانٹربینک میں ڈالر 4 روپے 1 پیسے مہنگا ہو کر226 روپےکی سطح پرپہنچ گیاگزشتہ روز 221 روپے99 پیسوں کی سطح پربند ہوا تھا۔پاکستان میں منگل کےروز روپے کے مقابلے میں ایک ڈالر کی قیمت میں تقریباً 7 روپےکااضافہ ریکارڈ کیاگیاتھا یہ اضافہ ملکی تاریخ میں کسی ایک دن میں ہونےوالا سب سےبڑا اضافہ ہے۔

انٹر بینک میں ڈالر کی قدر میں مسلسل اضافہ، 216 روپے 75 پیسے کا ہو گیا

انٹر بینک میں ڈالر کی قدر میں مسلسل اضافہ دیکھا جارہا ہے۔آج ڈالر 1 روپے 55 پیسے مہنگا ہونے کے بعد 216 روپے75 پیسےکا ہوگیا ہے، ہر روز ڈالر تاریخ کی نئی بلند ترین سطح کوچھو رہا ہے، گزشتہ روز ڈالر215 روپے 20 پیسوں پربند ہوا تھا۔

انگوٹھی پر 24 ہزار سے زائد ہیرے جڑکرایک نیا عالمی ریکارڈ

نئی دہلی: بھارتی کمپنی نےایک انگوٹھی پر 24,679 ہیرےجڑکرایک نیا ریکارڈ بنایا ہےجو سب سےزیادہ ہیروں والی انگوٹھی ہےاوراس کاوزن ایک پاؤ سے بھی زیادہ ہے۔گلابی اوئسٹرمشروم کی شکل کی یہ انگوٹھی تھری ڈی پرنٹر سے ڈیزائن کی گئی تھییہ انگوٹھی ایس ڈبلیو اے ڈائمنڈ نامی فرم نےبنائی ہےاس کانام ’ایمی‘ رکھا گیا ہےسنسکرت کے اس لفظ کا مطلب لافانیت ہے

اوپن مارکیٹ میں ڈالر 216 روپے کا ہوگیا

انٹر بینک مارکیٹ میں ڈالر 3 روپے 5 پیسے مہنگا ہو کر 214 روپے کی بلند ترین سطح پر پہنچ گیا ہے جبکہ اوپن مارکیٹ میں ڈالر 5 روپے 5 پیسے مہنگا ہو کر 216 روپے تک مہنگا ہوگیا، ڈالر 216 روپےتک مہنگا ہوکرتاریخ کی بلند ترین سطح پرپہنچ گیا-

پاکستان ریلوے اور پی آئی اے کے کرایوں میں کمی کا اعلان

خواجہ سعد رفیق نے ریلوے کی اکنامی کلاس اورپی آئی اے کی اندرون ملک پروازوں کےکرایوں میں 10 فیصد کمی کا اعلان کیاہے۔ پاکستان ریلویز کی اکانومی کلاس اور پی آئی اےکی اندرون ملک پروازوں کی دونوں کلاسز پر کرایوں میں 10 فی صد رعایت دی جائےگی کرایوں میں کمی کا اطلاق آج رات بارہ بجےکےبعد سےہوگا اور اگلے 30 روز کےلیےہے۔ https://twitter.com/KhSaad_Rafique/status/1548210651973029890?s=20&t=Q7T3FGLIlGpPfmrnnDiYyw

چینی کمپنی کا سندھ میں پبلک ٹرانسپورٹ پلانٹ لگانے کا اعلان

چینی کمپنی یوٹونگ بسزچائنہ نےسندھ میں پبلک ٹرانسپورٹ پلانٹ لگانےپررضا مندی کا اظہار کردیایہ اہم پیشرفت وزیراطلاعات و ٹرانسپورٹ سندھ شرجیل انعام میمن سے یوٹونگ بسزچائنہ کے کنٹری منیجر Paul Zhang کی ملاقات میں ہوئی۔ملاقات کےدوران آئندہ ہفتے تک اس ضمن میں ٹھوس پروپوزل تیار کرنے پراتفاق ہوا اور طے پایا کہ پلانٹ 15 سے 18 ایکڑ اراضی پر لگایا جائے گا۔

رواں سال کا دوسرا ائیربس 320 طیارہ شارجہ سے پاکستان پہنچ گیا

رواں سال کادوسرا ائیربس 320 طیارہ شارجہ سےپاکستان پہنچ گیا ہے پہلا جہاز 29 اپریل کو پاکستان آیا تھا اور اب آپریشنل خدمات سرانجام دےرہا ہےیہ طیارہ نئی نشستوں، جدید اور آرام دہ کیبن سےلیس ہے جسکی وجہ سے سفری سہولیات اور پی آئی اے کے پروڈکٹ کا معیار بہترہوگایہ طیارہ اندرون ملک، ریجنل اور گلف کے روٹس پر چلایا جائے گا-

پٹرولیم ڈیلرز ایسوسی ایشن کاملک گیر ہڑتال کا اعلان

لاہور کے پٹرول پمپس پر ہڑتال اور مطالبات کے حوالے سے بینرز آویزاں کر دیے گئے ہیں پیٹرولیم ڈیلرز ایسوسی ایشن کےجنرل سیکریٹری کےمطابق بجلی بھی مہنگی ہو گئی، لوڈشیڈنگ سے جنریٹرز کے اخراجات بڑھ گئے ہیں جبکہ کم سے کم اجرت 25 ہزار ہوگئی ہے لہذا حکومت وعدے کے مطابق ڈیلرز کا کمیشن ڈیلرز کا کمیشن بڑھا کر 6 فیصد کرے-

کوشش ہے آج سے ہی پیٹرول کی قیمتیں کم ہوجائیں,مفتاح اسماعیل

ایک بیان میں مفتاح اسماعیل نےکہاکہ پیٹرولیم مصنوعات کی قیمتوں میں کمی کی سمری تیار ہوگئی، وقت اور قیمت کا فیصلہ وزیراعظم شہباز شریف کریں گے تاہم کوشش ہے آج سے ہی پیٹرول کی قیمتیں کم ہوجائیں اورپیٹرولیم مصنوعات کی نئی قیمتوں کا اطلاق آج سےہی کردیں۔پیٹرول اور ڈیزل پر 5 اور 10 روپے کی جو لیوی لگائی وہ برقرار رہے گی۔

لاہور: میو اسپتال سے ادویات چوری کے الزام میں 7 ملازمین کیخلاف مقدمہ درج

لاہور کے میو اسپتال سے ادویات چوری کرنے کے الزام میں 7 ملازمین کے خلاف مقدمہ درج کرلیا گیا میو اسپتال سے ادویات چوری کا مقدمہ تھانہ گوالمنڈی میں ڈی ایم ایس ڈاکٹر زین العابدین کی مدعیت میں درج کیا گیا مقدمے میں مریضوں کی جان خطرے میں ڈالنے اور سرکاری املاک کو نقصان پہنچانے کی دفعات شامل ہیں۔

ٹھٹھہ: کوئلے کی کان میں پھنسے 6 کان کنوں کی لاشیں نکال لی گئیں

ٹھٹھہ کے قریب جھمپیر میں کوئلے کی کان میں 12 فٹ بارش کا پانی موجود ہے اور نکاسی کی کوشش جاری ہے ریسکیو ذرائع کا کہنا ہے کہ کوئلے کی کان سے40 گھنٹے بعد 6 کان کنوں کی لاشیں نکال لی گئیں ہیں ریسکیو ٹیموں کی جانب سے 4 مزدوروں کی تلاش کے لیے آپریشن جاری ہے۔

مصر کو نہر سویز کی وجہ سے 7 بلین ڈالر سے زائد کی ریکارڈ سالانہ آمدنی

مصر کو نہر سویز کی وجہ سے مالی سال 22-2021 کے دوران 7 بلین ڈالر سے زائد کی آمدنی ہوئی۔ یہ سالانہ آمدنی ایک سال پہلے کے مقابلے میں تقریباﹰ 21 فیصد زیادہ رہی۔سویز کینال اتھارٹی کے سربراہ کا کہنا ہے کہ 30 جون کو ختم ہونے والے مالی سال میں قاہرہ کو ہونے والی یہ ریکارڈ آمدنی ایک خوش کن پیش رفت ہے۔

پنجاب میں گیس بحران شدت اختیارکر گیا،400 کے قریب ٹیکسٹائل ملز بند

پنجاب میں چوتھے روز بھی ٹیکسٹائل ملز کو گیس کی سپلائی بند ہے،گیس نہ ملنے پر 400 کے قریب ٹیکسٹائل ملز کی بندش سے ایک ارب ڈالر کی برآمدات کم ہوں گی-ٹیکسٹائل ملز کو برآمدی آرڈر پورے کرنے میں دشواری کا سامنا ہے جبکہ ٹیکسٹائل ملز کی بندش سے ہزاروں ڈیلی ویجز ملازمین فارغ ہو گئے ہیں۔

عالمی مارکیٹ میں تیل کی قیمت 380 ڈالر فی بیرل تک پہنچنے کا خدشہ ہے،امریکی تجزیہ کار

امریکی بینک جےپی مورگن کےتجزیہ کاروں نےخبردارکیا ہےاگر روس نےامریکہ اور یورپ کی جانب سےعائد پابند یوں کے خلاف جوابی کارروائی کی اورخام تیل کی پیداوار میں کمی کر دی توعالمی مارکیٹ میں تیل کی قیمت 380 ڈالر فی بیرل تک پہنچ سکتی ہے۔روس کیجانب سے خام تیل کی پیداوار میں ممکنہ کمی دنیا کے لیے تباہ کن ثابت ہوسکتی ہے