کاروبار

ایف آئی اے راولپنڈی کی ہنڈی حوالہ کیخلاف کارروائی؛غیرملکی کرنسی و سامان ضبط

ایف آئی اےنے انٹیلجنس ادارے کے ہمراہ مال پلازہ راولپنڈی میں ہنڈی حوالہ اور غیر قانونی کرنسی ایکسچینج کےخلاف کارروائی کرتے ہوئے ملازمین کو تحویل میں لیکر کرنسی و آلات ضبط کرلیےکرنسی ایکسچینج مالک گاڑی چھوڑ کر فرار ہوگیا تاہم ایف آئی اے ٹیم نےتعاقب کرکےاسے قابو کرلیا۔مالک کی گاڑی بھی تحویل میں لی، گاڑی سے بھی کرنسی برآمد ہوئی۔

سونے کی فی تولہ قیمت دو لاکھ کے قریب پہنچ گئی

کاروباری ہفتے کے چوتھے روز فی تولہ سونے کی قیمت میں 4ہزار900روپے کا اضافہ ہوا ہے۔اس بڑے اضافے کے ساتھ فی تولہ سونے کی قیمت ایک لاکھ95ہزار500روپے ہوگئی ہے۔جب کہ 10 گرام سونے کی قیمت 4ہزار201روپے کے اضافے کے بعد ایک لاکھ 67 ہزار 610روپے ہوگئی ہے۔

ڈالر کی قیمت میں مزید اضافہ

کاروباری ہفتے کے چوتھے روز انٹر بینک میں ڈالر کی قیمت میں 25 روپے تک کا اضافہ ریکارڈ کیا گیا اور امریکی کرنسی 255 روپے 43 پیسے پر پہنچ گئی۔اسٹیٹ بینک کے مطابق گزشتہ روز ڈالر 230 روپے 89 پیسے پر بند ہوا تھا۔اوپن مارکیٹ میں بھی ڈالر کی قیمت میں 12 روپے کا اضافہ ریکارڈ کیا گیا۔

گوتم اڈانی پر فراڈ ،ہیرا پھیری کرنے سمیت متعدد سنگین الزامات عائد

ایک امریکی کمپنی نے ایشیا کے امیر ترین شخص گوتم اڈانی کی کمپنیوں کو اکاؤنٹنگ فراڈ اور اسٹاک کی ہیرا پھیری میں ملوث قرار دیا ہے۔ اڈانی گروپ کی کمپنیوں میں حصص اس وقت گرے جب امریکی سرمایہ کار ہندنبرگ ریسرچ نے کہا کہ وہ اس گروپ کے اسٹاک کو کم کر رہی ہے https://twitter.com/HindenburgRes/status/1618077612680818688?s=20&t=kfJ7SsGvCb9_BirAGekFzQ

اوپن مارکیٹ میں ڈالر 243 روپے پر پہنچ گیا

ایکسچینج کمپنیوں کی جانب سے ڈالر کے فکس ریٹ کو ختم کرنے کے بعد روپے کی قدر میں کمی ہو گئی ہے۔چیئرمین ایکسچینج کمپنیز ایسوسی ایشن آف پاکستان ملک بوستان کے دفتر سے جاری نوٹس کے مطابق 11 بجے کے قریب اوپن مارکیٹ میں امریکی ڈالر کی تجارت 243 روپے پر ہو رہی تھی، جو گزشتہ روز کےمقابلے میں 0.93 فیصدکمی ریکارڈکی گئی۔

روپےکے مقابلے میں ڈالرکی قدر میں اضافہ

اسٹیٹ بینک کے مطابق انٹربینک میں آج ڈالر 25 پیسے مہنگا ہوا ہے، انٹر بینک میں کاروبار کے اختتام پر ڈالرکا بھاؤ 230 روپے 40 پیسے ہے۔دوسری جانب اوپن مارکیٹ میں بھی ڈالرکی قدر میں 25 پیسےکا اضافہ ہوا ہے۔اوپن مارکیٹ میں ڈالر 25 پیسے اضافےکے بعد 240 روپے 75 پیسےکا ہوگیا ہے۔

سونےکی فی تولہ قیمت میں اضافہ

آل پاکستان جیمز اینڈ جیولرز ایسوسی ایشن کے مطابق ملک میں سونےکی فی تولہ قیمت آج ایک ہزار 150 روپے بڑھی ہے جس کے بعد ایک تولہ سونا ایک لاکھ 89 ہزار 300 روپے کا ہوگیا ہے۔دس گرام سونےکی مالیت 986 روپے بڑھ کر ایک لاکھ 62 ہزار 294 روپےہے۔ایسوسی ایشن کےمطابق عالمی بازار میں سونےکی فی اونس قیمت 14 ڈالر بڑھ کر ایک ہزار 938 ڈالر ہے۔

پاکستان اسٹاک ایکسچینج میں مثبت رجحان

اسٹاک ایکسچینج میں آج 100 انڈیکس کاروبار کے اختتام پر 612 پوائنٹس اضافے سے 39 ہزار 55 پوائنٹس پر بند ہوا۔کاروباری دن میں 100 انڈیکس 647 پوائنٹس کے بینڈ میں رہا، 100 انڈیکس کی بلند ترین سطح 39 ہزار 91 رہی۔بازار میں آج17 کروڑ 97 لاکھ شیئرز کے سودے ہوئے، شیئرز بازار کےکاروبار کی مالیت 6 ارب 36 کروڑ روپے رہی،مارکیٹ کیپٹلائزیشن 68 ارب روپے بڑھ کر 6 ہزار203 ارب روپے ہے۔

خرچے کم کرنے کی گنجائش نہیں، آمدنی بڑھانی ہوگی,گورنر اسٹیٹ بینک

گورنر اسٹیٹ بینک آف پاکستان جمیل احمد نے کہا ہے کہ ڈالر کے ریٹ کا فرق تبھی ختم ہوگا جب آئی ایم ایف کا پروگرام مکمل ہوگا۔ آئی ایم ایف کا پروگرام مکمل ہونے پر توقع ہے، مارکیٹ نارمل ہوگی آج مشکل فیصلے کرنے سے کل بہتری آئے گی، خرچے کم کرنے کی گنجائش نہیں، آمدنی بڑھانی ہوگی۔

پاکستان اسٹاک ایکسچینج کا 100 انڈیکس 35 پوائنٹس بڑھ گیا

پاکستان اسٹاک ایکسچینج میں کاروبار کے دوران 100 انڈیکس 35 پوائنٹس اضافے سے 38443 پر بند ہوا۔کاروباری دن میں 100 انڈیکس 417 پوائنٹس کے بینڈ میں رہا، بازار میں 8 کروڑ شیئرز کا کاروبار 2.8 ارب روپے میں ہوا۔مارکیٹ کیپٹلائزیشن 99 کروڑ روپے بڑھ کر 6135 ارب روپے ہے۔

ملک میں سونے کی قیمت بلند ترین سطح پر پہنچ گئی

آل پاکستان جیمز اینڈ جیولرز ایسوسی ایشن کے مطابق 950 روپے بڑھ کر فی تولہ سونا ایک لاکھ 88 ہزار 150 روپے ہوگیا ہے۔ملک میں ایک تولہ سونے کا یہ بلند ترین بھاؤ ہے۔ 10 گرام سونے کا بھاؤ 814 روپے اضافے سے ایک لاکھ 61 ہزار 308 روپے ہوگیا ہے۔عالمی بازار میں سونے کا بھاؤ 3 ڈالر کم ہوکر 1924 ڈالر فی اونس ہے۔

امریکی ڈالر مزید مہنگا ہوگیا

اسٹیٹ بینک کے مطابق انٹربینک میں ڈالر 48 پیسے مہنگا ہوگیا۔ انٹر بینک میں کاروبار کے اختتام پر ڈالرکا بھاؤ 230 روپے 15 پیسے رہا۔اس کے علاوہ اوپن مارکیٹ میں ڈالر 50 پیسے مہنگا ہوا ہے، اوپن مارکیٹ میں ڈالر 240.50 روپے کا ہوگیا ہے۔

فلور ملوں کے آٹے کی ایکس مل قیمت 95 روپے فی کلو مقرر،نوٹیفکیشن جاری

کمشنر کراچی نے آٹے کی سرکاری قیمت کا نوٹیفکیشن جاری کیا ہے، نوٹیفکیشن کے مطابق فلور ملوں کے آٹے کی ایکس مل قیمت 95 روپے فی کلو جبکہ خوردہ قیمت 98 روپے فی کلو مقرر کی گئی ہے- چھوٹی چکیوں کے لیے آٹے کی خوردہ قیمت 105 روپے فی کلو مقرر کردی گئی ہے

ملکی اورغیرملکی کرنسی اسمگل کرنے کی کوشش،چینی مسافر گرفتار

لاہور ائیر پورٹ پر کی گئی کارروائی کے دوران چینی مسافر سے 35 لاکھ پاکستانی روپے، 1220چینی ین ،28 لاکھ 20 ہزار انڈونیشین اور 44 ہزار ملائشین کرنسی برآمد کرلی گئی۔ چینی مسافر اومان ائرلائن کے ذریعے انڈونیشیا جا رہا تھا۔ برآمد ہونے والی کرنسی کو کسٹمز حکام نے ضبط کرکے کارروائی شروع کردی ہے۔

پاکستان کے زرمبادلہ کے ذخائر میں اضافہ

اسٹیٹ بینک کا کہنا ہے کہ درآمدات روکنے سے زرمبادلہ ذخائر کی گراوٹ رکی ہے 13 جنوری تک ملکی زرمبادلہ کےذخائر 10 ارب 44 کروڑ ڈالررہے۔جنوری کے دوسرے ہفتے میں زرمبادلہ کے ذخائر 25 کروڑ 5 لاکھ ڈالربڑھے ہیں۔اسٹیٹ بینک کےذخائر 25 کروڑ 80 لاکھ ڈالر اضافےسے 4.60 ارب ڈالر ہیں جبکہ 13 جنوری تک کمرشل بینکوں کا زرمبادلہ کا ذخیرہ 22 لاکھ ڈالر کم ہو کر 5.84 ارب ڈالر رہا۔

پاکستانی کرنسی کے مقابلے میں امریکی ڈالر مزید مہنگا

پاکستانی کرنسی کے مقابلے میں امریکی ڈالر مزید مہنگا ہو گیا۔انٹر بینک مارکیٹ میں آج کاروباری روز کے اختتام پر امریکی ڈالر 229 روپے 15 پیسے پر بند ہوا جو گزشتہ روز 228 روپے 91 پیسے تھا۔آج اوپن مارکیٹ میں ڈالر کی قدر میں 50 پیسے کا اضافہ ہوا ہے جس کے بعد اوپن مارکیٹ میں ڈالر 239.50 روپےکا ہو گیا ہے۔

پاکستان اسٹاک ایکسچینج میں کاروبار کا ملا جلا رجحان

پاکستان اسٹاک ایکسچینج میں آج کاروبار کا ملا جلا دن رہا۔100 انڈیکس آج 40 پوائنٹس اضافےسے 38 ہزار 831 پر بند ہوا ہے۔ کاروباری دن میں 100 انڈیکس 334 پوائنٹس کے بینڈ میں رہا۔انڈیکس کی آج بلند ترین سطح 39 ہزار 65 رہی بازار میں 15 کروڑ 78 لاکھ شیئرز کے سودے ہوئے جن کی مالیت 6 ارب 40 کروڑ روپے رہی۔مارکیٹ کیپٹلائزیشن 10 ارب روپے بڑھ کر 6 ہزار 179 ارب روپے ہے۔

ملک میں سونے کی قیمت میں کمی

آل پاکستان جیمز اینڈ جیولرز ایسوسی ایشن کےمطابق 1200 روپے کمی کے بعد ملک میں ایک تولہ سونے کا بھاؤ ایک لاکھ 85 ہزار 300 روپے ہوگیا ہے۔10 گرام سونے کا بھاؤ 1029 روپے کم ہوکر ایک لاکھ 58 ہزار 865 روپے ہے۔ عالمی صرافہ میں سونے کی فی اونس قیمت 6 ڈالر اضافے سے 1909 ڈالر ہے۔

بجلی کی قیمت میں 10روپے سے زائد کمی کا امکان

کے الیکٹرک نے دسمبر کے لیے ماہانہ فیول ایڈجسٹمنٹ کی مد میں کمی کی درخواست کر دی جس میں نیپرا سے 10 روپے 26 پیسے فی یونٹ بجلی کم کرنے کی درخواست کی گئی ہےنیپرا کے الیکٹرک کی درخواست پر 30 جنوری کو سماعت کرے گی اوربجلی کی فی یونٹ کمی کی صورت میں کےالیکٹرک صارفین کو 12 ارب روپے کا ریلیف ملے گا۔

امپورٹ کا پریشر اتنا ہے ، جس کے لیے ڈالر ناکافی ہیں,گورنر اسٹیٹ بینک

گورنر اسٹیٹ بینک جمیل احمد نے کہا ہے کہ امپورٹ کا پریشر اتنا ہے ، جس کے لیے ڈالر ناکافی ہیں۔یہ مسائل چندروز میں پیدا نہیں ہوئے۔ ہمیں دیکنا ہے کہ کس طرح معیشت کو بہترکیاجاسکتا ہےہمیں کاروبار کو سہولت دینی ہےکرنٹ اکاؤنٹ خسارےکےسبب ہمیں کچھ اقدامات کرنےپڑے۔اگلے ہفتےسےملک میں ڈالرز آناشروع ہوجائیں گے، اب زرمبادلہ ذخائربڑھنا شروع ہوں گے

پاکستان اسٹاک ایکسچینج میں سرمایہ کاری کا منفی دن

100 انڈیکس نئے کاروباری ہفتے کے پہلے روز 602 پوائنٹس کم ہو کر 39 ہزار 720 پربندہوا ہے۔عارف سکیورٹیز کےجاری کیے گئے ریسرچ نوٹ کے مطابق سیاسی صورتحال کے سبب کاروباری ہفتے کا آغاز منفی رجحان سے ہوا ہے اور کاروباری حجم کم رہا۔مارکیٹ میں 10 کروڑ 55 لاکھ شیئرز کے سودے 3 ارب 20 کروڑ روپے میں طے ہوئے، مارکیٹ کیپٹلائزیشن 90 ارب روپےکم ہوکر 6 ہزار 333 ارب روپےہے۔

ملک میں ڈالر مزید مہنگا

ملک میں پاکستانی روپے کے مقابلے میں امریکی ڈالر کی قدر میں مزید اضافہ ہوگیا۔انٹربینک میں ڈالرکا بھاؤ 19 پیسے اضافے سے 228 روپے 34 پیسے رہا۔ انٹربینک کے گذشتہ کاروباری سیشن میں ڈالر 228 روپے 15 پیسے پر بند ہوا تھااوپن مارکیٹ میں ڈالر کی قدر میں اضافہ 25 پیسے رہا۔ اوپن مارکیٹ میں ڈالر کا بھاؤ 238 روپے 75 پیسے ہے۔

ملک میں سونے کی قیمت میں کمی

آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت آج 2800 روپے کی کمی ہوئی ہے جس کے بعد فی تولہ سونا ایک لاکھ 84 ہزار 500 روپے کا ہو گیا ہے۔10 گرام سونے کا بھاؤ 2 ہزار 401 روپے کی کمی کےبعد ایک لاکھ 58 ہزار 179 روپےہے۔عالمی بازار میں سونےکی فی اونس قیمت 5 ڈالر کمی کے بعد 1915 ڈالر ہوگئی ہے۔

آل پاکستان ٹیکسٹائل ملز ایسوسی ایشن نے امریکا سے قرض کی درخواست کر دی

اپٹما نےپاکستان میں امریکی سفیر ڈونلڈ بلوم کوخط میں ہےکہ مقامی کاٹن کی پیداوار انتہائی حد تک کم ہونے کےباعث ٹیکسٹائل سیکٹرکو شدید مشکلات کاسامناہے، رواں سیزن کیلئے پاکستان کو 10 ملین کاٹن بیلز امپورٹ کی ضرورت ہے،امریکی قرض کی رقم دو ارب ڈالرسے لاکھوں لوگوں کا روزگاربچ جائے گا، قرض سے پاکستان کے بیلنس آف پیمنٹ میں بہتری آئے گی-

چین سے مال گاڑیوں کی 70 بوگیاں کل پاکستان پہنچیں گی

پاکستان ریلویز ہیڈ کوارٹرز کی طرف سےجاری بیان کےمطابق مال گاڑیوں کےساتھ لگنےوالی70 اسٹیٹ آف دی آرٹ بوگیاں چین سے پاکستان کیلیے روانہ ہو گئیں جو کل 16جنوری پیرکو کراچی پہنچیں گی رواں سال مارچ میں ایسی مزید130 بوگیاں ریلوےسسٹم میں شامل ہو جائیں گی یہ 820 بوگیوں کا منصوبہ ہےٹرانسفر آف ٹیکنالوجی معاہدےکےتحت باقی ماندہ 620 بوگیاں پاکستان میں بنیں گی۔

ملک میں سونے کی فی تولہ قیمت میں بڑا اضافہ

آل پاکستان جیمز اینڈ جیولرز ایسوسی ایشن کے مطابق 1100 روپے اضافے کے بعد ملک میں ایک تولہ سونے کا بھاؤ ایک لاکھ 81 ہزار 100 روپے ہوگیا ہے۔10 گرام سونے کا بھاؤ 943 روپے اضافے سے ایک لاکھ 55 ہزار 264 روپے ہے۔عالمی بازار میں سونے کا بھاؤ ایک ڈالر اضافے سے 1877 ڈالر فی اونس ہے۔

ڈالر مزید مہنگا

ملک بھر میں کاروباری ہفتے کے چوتھے روز ڈالر کی قیمت میں اضافہ ہوا ہے۔انٹربینک میں ڈالر کا بھاؤ 228 روپے 14 پیسے رہا، انٹربینک میں ڈالر کا بھاؤ 21 پیسے بڑھا ہے۔ گذشتہ روز انٹربینک میں کاروبار کے اختتام پر ڈالر کا بھاؤ 227 روپے 93 پیسے تھا۔اوپن مارکیٹ میں ڈالر کا بھاؤ 50 پیسے اضافے سے 238 روپے 50 پیسے پر بند ہوا ہے۔

غیر ملکی زرمبادلہ کے ذخائر میں مزید کمی

غیر ملکی زرمبادلہ کے ذخائر میں مزید 1 ارب 23 کروڑ ڈالر کی کمی ہوگئی۔اسٹیٹ بینککے مطابق زرمبادلہ ذخائر میں کمی غیر ملکی قرض کی ادائیگی کی وجہ سے ہوئی- 6 جنوری تک زرمبادلہ کے ذخائر 10 ارب 18کروڑ 78 لاکھ ڈالر رہےاسٹیٹ بینک کےپاس 4 ارب 34 کروڑ 32 لاکھ ڈالر کے زرمبادلہ کے ذخائر رہے۔ کمرشل بینکوں کے پاس 6 جنوری تک 5 ارب 84 کروڑ 46 لاکھ ڈالر رہے

ڈالر کی قدر میں بدستور اضافہ

انٹربینک مارکیٹ میں کاروباری دورانیے کے دوران ڈالر کی قدر ایک موقع پر 47 پیسے کے اضافے سے 227.60 روپے کی سطح پر بھی پہنچ گئی تھی تاہم اختتامی لمحات میں ڈالر کے انٹربینک ریٹ 27 پیسے کے اضافے سے 227.40 روپے کی سطح پر بند ہوئی۔ اوپن کرنسی مارکیٹ میں ڈالر کی قدر 25 پیسے کے اضافے سے 236.75 روپے کی سطح پر بند ہوئی۔

ملکی سطح پر فی تولہ سونے کی قیمت میں کمی

بین الاقوامی بلین مارکیٹ میں فی اونس سونےکی قیمت 4 ڈالرکےاضافے سے 1871 ڈالر کی سطح پرآنے کے باوجود مقامی صرافہ مارکیٹوں میں پیر کو فی تولہ اورفی دس گرام سونےکی قیمتوں میں بالترتیب 200 روپےاور 172 روپےکی کمی واقع ہوئی۔ملکی سطح پرفی تولہ سونےکی قیمت گھٹ کرایک لاکھ 85 ہزار 100 روپے اور فی دس گرام قیمت گھٹ کر ایک لاکھ 58 ہزار 693 روپےکی سطح پرآگئی۔