سیاست

کراچی : شہری کی فائرنگ سے ڈاکو ہلاک

کراچی پولیس کےمطابق ڈیفنس فیز 2 میں ڈکیتی کی کوشش کےدوران شہری کی فائرنگ سے ایک ڈاکوزخمی ہوگیا، جسےاسپتال منتقل کیا جارہا تھا تاہم وہ جانبر نہ ہوسکا۔پولیس کا کہنا ہے کہ مارے گئےڈاکوکی شناخت تاحال نہیں ہوسکی، مزید تفتیش جاری ہے۔واضح رہے کہ شہر قائد میں رواں سال ڈاکوؤں کی فائرنگ سے 10 سے زائد شہری زندگی کی بازی ہار چکےہیں۔   Karachi: Robber killed by citizen's firing

وفاق سے 8 اعلیٰ افسران کی خدمات پنجاب حکومت کے سپرد

وفاقی حکومت کی جانب سےجاری نوٹیفکیشن کے مطابق ایف آئی اے سےڈی آئی جی ہمایوں بشیر تارڑ،ایس ایس پی ڈاکٹر سردارغیاث گل اورایس پی ناصرمحمود کی خدمات پنجاب کے حوالےکردی گئیں۔ انٹیلیجنس بیورو سے ڈی آئی جی کیپٹن (ر) سہیل چوہدری،ڈی آئی جی کیپٹن (ر) سجاد منج ایس ایس پی ڈاکٹرحیدراشرف کی خدمات بھی انٹیلیجنس بیورو سےپنجاب کےسپرد کردی گئیں۔

صوابی: یار حسین پولیس اسٹیشن پر دستی بم حملہ، ایک پولیس اہلکار زخمی

ڈسٹرکٹ پولیس آفیسر کا کہنا ہے کہ یارحسین پولیس اسٹیشن پر نامعلوم موٹرسائیکل سواروں نے دستی بم حملہ کیا ہے۔حکام نے دستی بم حملے میں زخمی پولیس اہلکار کو اسپتال منتقل کردیا جبکہ واقعہ کی پولیس نے علاقے کو گھیرے میں لیکر سرچ آپریشن شروع کردیا۔خیال رہے کہ خیبر پختونخوا میں دہشت گردی کے واقعات میں اضافہ ہوا ہے

کراچی میں ایک ہفتے میں زہریلی گیس سے 19بچوں کی اموات کا انکشاف

کراچی کےعلاقے کیماڑی میں فیکٹریوں سےنکلنے والی زہریلی گیس نے کئی ماؤں کی گودیں اُجاڑ دیں۔کیماڑی کےعلاقے مواچھ گوٹھ میں ایک ہفتےمیں زہریلی گیس سے 19 بچوں کی اموات کا انکشاف ہوا ہے جبکہ 50 بچوں کی حالت تشویشناک ہے،ضلعی محکمہ صحت نے تحقیقات کے بعد اموات کی تصدیق کر دی۔

وزیراعظم کا امریکا سے اقتصادی تعلقات میں بہتری کے عزم کا اعادہ

 پاکستان اور امریکا کےدرمیان اقتصادی اور تجارتی تعلقات کو مزید مستحکم بنانےکیلئے پرعزم ہیں۔پاکستان میں امریکا کے سفیر ڈونلڈ بلوم سے ملاقات وزیراعظم نے جنیوا میں حال ہی میں منعقد ہونے والی ریزیلیئنٹ پاکستان بین الاقوامی کانفرنس سمیت سیلاب کے بعد پاکستان کی تعمیر نو اور بحالی کی کوششوں کے لئے امریکہ کی مسلسل حمایت پر شکریہ ادا کیا۔

ایف آئی اے راولپنڈی کی ہنڈی حوالہ کیخلاف کارروائی؛غیرملکی کرنسی و سامان ضبط

 راولپنڈی: وفاقی تحقیقاتی ادارے نے راولپنڈی میں ہنڈی حوالہ اور غیر قانونی کرنسی ایکسچینج کے خلاف کارروائی کرتے ہوئے ملازمین کو تحویل میں لیکر کرنسی و آلات ضبط کرلیے۔ایکسپریس نیوز کے مطابق فیڈرل انوسٹی گیشن ایجنسی (ایف آئی اے) کمرشل بینکنک سرکل نےانٹیلجنس ادارے کے ہمراہ مال پلازہ راولپنڈی میں غیرقانونی ایکسچینج چلانے والے ڈیلر کے خلاف کارروائی کی۔

انسداد دہشت گردی عدالت نے موسیٰ الہٰی کی ضمانت منظورکر لی

گوجرانوالہ کی انسداد دہشت گردی عدالت نےجھگڑے کے مقدمے میں چوہدری شجاعت کے بھائی چوہدری وجاہت کے صاحبزادے موسیٰ الہٰی کی 2 فروری تک عبوری ضمانت منظورکی۔عدالت نے اغوا کی کال کے مقدمے میں درخواست واپس کردی، عدالت نے موسیٰ الہٰی کے وکیل سےکہا کہ لاہور کے مقدمےکی بات نہ کریں وہ مقدمہ ہماری حدود میں نہیں آتا۔

خیبرپختونخوا کی 15 رکنی نگران کابینہ نے حلف اٹھا لیا

خیبرپختونخوا کی 15 رکنی نگران کابینہ نے حلف اٹھا لیا۔اعلامیہ کے مطابق عبدالحلیم قصوریہ، سید مسعود شاہ، حامد شاہ، ساول نذیر ایڈووکیٹبخت نواز، فضل الہٰی، عدنان جلیل، شفیع اللہ خان، شاہد خان خٹک، حاجی غفران، خوشدل خان ملک، تاج محمد آفریدی، محمدعلی شاہ، حسٹس ریٹائرڈ ارشاد قیصر اور منظور خان آفریدی بھی نگران کابینہ میں شامل ہیں۔

پی ڈی ایم نے ریاست بچانے کیلئے اپنی سیاست کو ڈبو دیا،حافظ حمداللہ

حافظ حمداللہ نے کہا ہے کہ پی ڈی ایم نے ریاست بچانے کیلئے اپنی سیاست کو ڈبودیاملک میں مہنگائی سےپی ڈی ایم کی حکومت پریشان ہے۔ملک میں مہنگائی پی ٹی آئی کے آئی ایم ایف سے کیے گئے معاہدوں کی وجہ بڑھی،اتحادی حکومت عوام کوریلیف دینےکیلئےدن رات کام کررہی ہے۔عمران خان نےاسٹیٹ بینک کوآئی ایم ایف کےحوالےکیااورریاست ڈبونےکی سیاست کی۔

ایلون مسک نے اپنا نام ‘تبدیل’ کرلیا

ٹیسلا اور اسپیس ایکس کے بانی ایلون مسک اپنے عجیب بیانات اور اقدامات کی وجہ سے جانے جاتے ہیں۔اب انہوں نے اپنا نام تبدیل کرلیا ہے، کم از کم ٹوئٹر کی حد تک۔ایلون مسک نے ٹوئٹر پر اپنا نام تبدیل کرکے مسٹر ٹوئٹ رکھ لیا ہے۔

شدید سردی کے باعث اسکولوں کے کھلنے کے اوقات میں تبدیلی

محکمہ تعلیم سندھ نے کی شدید سردی کے باعث اسکولوں کے کھلنے کے اوقات میں تبدیلی کردی۔محکمہ تعلیم کی جانب سے جاری حکم نامے میں کہا گیا ہے کہ سردیوں کے باعث اسکول صبح ساڑھے 8 بجے کھولے جائیں گے۔شدید سردی کے باعث اسکولوں کے اوقات میں تبدیلی کا حکم نامہ جاری کردیا گیا ہے

چوہدری شجاعت فارغ ، وجاہت حسین مسلم لیگ ق کے نئے صدر منتخب

پاکستان مسلم لیگ ق کی جنرل کونسل کا اجلاس مسلم لیگ ہاؤس ڈیوس روڈ میں ہواجس میں چوہدری شجاعت حسین کو پارٹی کی صدارت سے ہٹانےکافیصلہ کیا گیا۔چوہدری وجاہت حسین کو پارٹی کا مرکزی صدر منتخب کرلیا۔طارق بشیر چیمہ بھی عہدے سےفارغ ،ان کی جگہ کامل علی آغا کو پارٹی کا مرکزی سیکرٹری جنرل بنایا گیا ہے۔

اداروں کو کمزور کرنے سے ریاست اور قانون مذاق بن جائے گا،شازیہ مری

شازیہ مری کا کہنا تھا کہ پی ٹی آئی کی طرف سے الیکشن کمیشن کے ممبران کے اہلِ خانہ کو نشانہ بنانے کی دھمکی دہشتگردی ہےعمران خان غیرملکی ایجنڈے کے تحت اداروں کو نشانہ بنا رہا ہے ،عمران پہلے اپنے بچے پاکستان لائے پھر دوسروں کے بچوں کی بات کرےعمران اوراسکا ٹولہ دھمکی اور بدتمیزی کےگھٹیاکلچرکو فروغ دے رہے ہیں

فواد چودھری کی گرفتاری پر عمران خان کا ردعمل بھی آ گیا

عمران خان کا کہنا تھا کہ بائیس کروڑ عوام تحریک انصاف کے ساتھ کھڑے ہیں،آج شام 4 بجے میڈیا ٹاک کروں گا،فواد چودھری کی گرفتاری سے ثابت ہوگیا کہ ملک بنانا ری پبلک بننے جا رہا ہے،ملک میں قانون کی حکمرانی ہی نہیں ہے ،ہمیں اپنے بنیادی حقوق کے لیے کھڑا ہونا چاہیے،

فواد چودھری کا بھائی جہلم سے گرفتار

،فواد چودھری کے آبائی علاقے جہلم میں فواد چودھری کی گرفتاری کے خلاف احتجاج کیا جا رہا تھا، پولیس نے پی ٹی آئی مظاہرین گرفتار کرلیے سابق ایم پی اے چودھری ظفر کو بھی گرفتار کر لیا گیا،ی ٹی آئی کارکنان نےٹائرجلا کر جی ٹی روڈ بلاک کیا ہوا تھا فراز چودھری کو سٹرک بلاک کرنے پر گرفتار کیا گیا

گیس کی فراہمی کےحوالےسے بلوچستان کےساتھ امتیازی رویہ ناقابل برداشت ہے،وزیراعلیٰ بلوچستان

وزیراعلئ نے کہا کہ شدید سرد موسم میں شہریوں کو گیس میسر نہیں بلوچستان طویل عرصہ تک ملک کی گیس کی ضروریات پوری کرتا رہا ہےآج جب ہمیں گیس کی ضرورت ہے تو گیس دستیاب نہیں گیس کی فراہمی کے حوالے سے بلوچستان کےساتھ امتیازی رویہ ناقابل برداشت ہےگیس پریشرمیں کمی کی وجہ سےشہریوں کی زندگیوں کو خطرات لاحق ہیں

تحریک انصاف کےمزید 43 ارکان قومی اسمبلی کے استعفے منظور

باخبر ذرائع کے مطابق اسپیکر قومی اسمبلی راجا پرویز اشرف نے پی ٹی آئی کے مزید 43 ایم این ایز کے استعفے منظور کیے ہیں جب کہ 2 ارکان کے استعفے چھٹی کی درخواست کی وجہ سے منظورنہیں کئے گئےاستعفے اسپیکر قومی اسمبلی نے چند دن قبل منظوری کے لیے الیکشن کمیشن کو بھجوائے تھے۔

لندن: نواز شریف سے علیم خان کی ملاقات

علیم خان کا کہنا تھاکہ میرا سیاست سے کوئی تعلق نہیں، نوازشریف سے اچھےتعلقات ہیں، اس لیے جب بھی لندن آتا ہوں تو ان سے ملاقات کرتا ہوں۔ آج بھی ہماری ملک کی مجموعی صورتحال پر گفتگو ہوئی ہے۔ محسن نقوی کو نگران وزیراعلیٰ بننے پر مبارکباد دی اور کہا کہ ان کیلئے نیک خواہشات ہیں۔

حکومت نے پچھلےچارماہ میں جو فیصلےنہیں کیےاس سےملک کو نقصان ہوا،مفتاح اسماعیل

مفتاح اسماعیل کا کہنا ہے کہ آئی ایم ایف کو واپس لائے تو ڈیفالٹ کا خطرہ ٹل گیا ملک میں مہنگائی اور بے روزگاری بڑھ رہی ہےاس وقت مشکل معاشی حالات ہیں20 برسوں میں قرض بڑھتا جارہا ہےپاکستان کا قرض بڑھ کر51ہزار ارب تک پہنچ گیا ہے۔ آئی ایم ایف سے بات چیت کے حکومتی فیصلے کا خیرمقدم کرتا ہوں

سویڈن میں قرآن پاک کی بے حرمتی ،وزیراعظم شہباز شریف کی شدید الفاظ میں مذمت

وزیراعظم شہباز شریف نے اپنے بیان میں کہا کہ سویڈن میں دائیں بازو کے انتہاپسند کی جانب سے قرآن پاک کی بےحرمتی کے گھناؤنے فعل کی جتنی مذمت کی جائے کم ہے۔ آزادی اظہار کے لبادے کو دنیا بھر میں بسنے والے ڈیڑھ ارب مسلمانوں کے مذہبی جذبات کو مجروح کرنےکےلیےاستعمال نہیں کیا جا سکتا شرمناک فعل ناقابل قبول ہے۔

اس وقت ملک کو سیاسی استحکام کی اشد ضرورت ہے،شاہد خاقان

شاہد خاقان عباسی کا کہنا تھا کہ ہم سب ملکی سیاسی صورتحال کے ذمہ دار ہیں اس وقت ملک کوسیاسی استحکام کی اشد ضرورت ہے، معیشت، سیاست اور دیگر مسائل کا حل آئین میں موجود ہے، جو خرابیاں 10 سے 20 سال میں پیدا ہوئیں وہ 8 ماہ میں ٹھیک نہیں ہو سکتیں، موجودہ مسائل کےذمہ دارسیاستدان، فوجی،بیوروکریٹ،اور میڈیا سمیت ہم سب ہیں

رانا ثناء اللہ نے مریم نواز کی وطن واپسی کا باقاعدہ اعلان کر دیا

وفاقی وزیر داخلہ اور پاکستان مسلم لیگ ن پنجاب کے صدر رانا ثناء اللہ نے مریم نواز کی وطن واپسی کا باقاعدہ اعلان کرتے ہوئے بتایا کہ چیف آرگنائزر مریم نواز 27 جنوری کو لندن سے دبئی کے لیے روانہ ہوں گی اور 28 جنوری کی شام 5 بجے لاہور کے علامہ اقبال انٹرنیشنل ایئرپورٹ پہنچیں گی۔

پشاور: انچارج پولیس چوکی پر حملہ

پشاور میں تھانہ بڈھ بیر کی حدود پر انچارج پولیس چوکی کی گاڑی کےقریب دھماکاکیا گیاپولیس کے مطابق تھانہ بڈھ بیرکی حدود میں انچارج شیخان پولیس چوکی کی گاڑی کے قریب ریموٹ کنٹرول ڈیوائس کی مدد سے دھماکا کیا گیا۔ بارودی مواد پینٹ کےڈبے میں رکھا گیا تھا، دھماکےسے پولیس کی گاڑی کو نقصان پہنچا تاہم جانی نقصان نہیں ہوا۔

چارسدہ: دہشتگردوں کا پولیس چوکی پر حملہ، 3 اہلکار زخمی

چارسدہ:ڈھیری زرداد پولیس چوکی پر دہشت گردوں کی فائرنگ سے 3 پولیس اہلکار زخمی ہوئے ہیں۔زخمی پولیس اہلکاروں کو ڈی ایچ کیو ہسپتال منتقل کیا جا رہا ہے، جبکہ پولیس کی بھاری نفری موقع پر پہنچ رہی ہے۔پولیس کی جانب سے حملہ آوروں کی گرفتاری کے لئے علاقے میں سرچ آپریشن کا آغاز کر دیا گیا ہے۔

کراچی میں ڈاکوؤں کا واردات میں پولیس کیپ اور جیکٹ استعمال کرنے کا انکشاف

کراچی میں گرفتار ڈاکوؤں نےچوری اور ڈکیتی کی وارداتوں کے دوران پولیس کیپ اورجیکٹ استعمال کرنےکا انکشاف کیا ہے۔کراچی میں 20 جنوری کو سرسید پولیس اسٹیشن کی حدود سے مقابلے کےبعداسٹیٹ کرائم میں ملوث افراد کو گرفتار کیا تھا،جنہوں نےدوران تفتیش سنسنی خیز انکشافات کیے ہیں۔ملزمان نےدوران تفتیش چوری، ڈکیتی اور اسٹریٹ کرائمز کی 300 سےزائد وارداتوں کا اعتراف کیا ہے۔

ن لیگ کے مرکزی رہنما پیر امین الحسنات پی ٹی آئی میں شامل

پیر امین الحسنات نے شاہ محمود قریشی، فواد چوہدری اورعامرکیانی کےہمراہ پریس کانفرنس کرتےہوئےپی ٹی آئی میں شمولیت کااعلان کیا۔شاہ محمود قریشی کاکہنا تھا پیر امین الحسنات سے قدیم روحانی رشتہ ہے، ان کی تحریک انصاف میں شمولیت سے پی ٹی آئی سرگودھا میں مزید مضبوط ہو گی۔فواد چوہدری کا کہنا تھا پیر امین السان کو خوش آمدید کہتے ہیں۔

نگران وزیر اعلیٰ پنجاب، نام الیکشن کمیشن کو موصول

وزیر اعلیٰ پنجاب کےانتخاب کے لیے حکومت اور اپوزیشن نے 2، 2 نام الیکشن کمیشن کو موصول ہو گئے۔چیف الیکشن کمشنر کی زیرصدارت نگران وزیر اعلیٰ پنجاب کی تقرری کے لیے اجلاس کل طلب کر لیا گیا ہے جس میں نگران وزیر اعلیٰ پنجاب کے ناموں پر غور کیا جائے گا۔الیکشن کمیشن سیکرٹریٹ آج اور کل کھلا رہے گا۔

شرجیل میمن کو دل کی تکلیف، اینجو پلاسٹی ہو گئی

صوبائی وزیر شرجیل میمن کو طبیعت خراب ہونے پر این آئی سی وی ڈی منتقل کردیاسینے میں تکلیف کے باعث این آئی سی وی ڈی منتقل کیا گیا، ان کے دل کی 2 شریانیں بند تھیں، جس کے بعد ان کی انجیو گرافی کے بعد انجیو پلاسٹی کر دی گئی ہےشرجیل میمن کو جلد گھر منتقل کر دیا جائے گا۔

ایک ہزار سال بعد نیا چاند کل زمین کے انتہائی قریب آئے گا

نیا چاند 992 سالوں میں پہلی بار 21 جنوری 2023 کو زمین کے قریب ترین آئے گا۔رپورٹ کے مطابق ہفتہ 21 جنوری 2023 کو نیا چاند زمین سے 356,568 کلومیٹر دور ہوگا۔ یہ سال 1030ء کے بعد سے زمین کے قریب ترین آئے گا جسے 22 جنوری 2023 بروز اتوار جنوب مغرب میں غروب آفتاب کے بعد بہترین طور پر دیکھا جائے گا۔

ایل پی جی کی گرانفروشی روکنے کیلئے اوگرا کی انفورسمنٹ ٹیمیں متحرک

آئل اینڈ گیس ریگولیٹری اتھارٹی نے ایل پی جی کی مقررہ قیمتوں سے زائد پر فروخت کی شکایات کا نوٹس لیتے ہوئے معاملے کی تحقیقات کےلیے انفورسمنٹ ٹیموں کومتحرک کر دیا ہے۔اوگرا ترجمان کےمطابق ٹیمیں حکومتی متعین کردہ قیمتوں پر ایل پی جی کی فروخت کو یقینی بنائیں گی، خلاف ورزی پر متعلقہ قوانین کے تحت کارروائی کی جائے گی۔