Author - Amin Tahir

کراچی : شہری کی فائرنگ سے ڈاکو ہلاک

کراچی پولیس کےمطابق ڈیفنس فیز 2 میں ڈکیتی کی کوشش کےدوران شہری کی فائرنگ سے ایک ڈاکوزخمی ہوگیا، جسےاسپتال منتقل کیا جارہا تھا تاہم وہ جانبر نہ ہوسکا۔پولیس کا کہنا ہے کہ مارے گئےڈاکوکی شناخت تاحال نہیں ہوسکی، مزید تفتیش جاری ہے۔واضح رہے کہ شہر قائد میں رواں سال ڈاکوؤں کی فائرنگ سے 10 سے زائد شہری زندگی کی بازی ہار چکےہیں۔   Karachi: Robber killed by citizen's firing

وفاق سے 8 اعلیٰ افسران کی خدمات پنجاب حکومت کے سپرد

وفاقی حکومت کی جانب سےجاری نوٹیفکیشن کے مطابق ایف آئی اے سےڈی آئی جی ہمایوں بشیر تارڑ،ایس ایس پی ڈاکٹر سردارغیاث گل اورایس پی ناصرمحمود کی خدمات پنجاب کے حوالےکردی گئیں۔ انٹیلیجنس بیورو سے ڈی آئی جی کیپٹن (ر) سہیل چوہدری،ڈی آئی جی کیپٹن (ر) سجاد منج ایس ایس پی ڈاکٹرحیدراشرف کی خدمات بھی انٹیلیجنس بیورو سےپنجاب کےسپرد کردی گئیں۔

پنجاب فلم سنسر بورڈ تحلیل، تمام عہدیدار فارغ

نگراں وزیراعلیٰ پنجاب محسن رضا نقوی نےپنجاب فلم سنسر بورڈ کو تحلیل کردیا۔نگراں وزیراعلیٰ پنجاب سید محسن رضا نقوی نے بڑا فیصلہ کرتے ہوئے پنجاب فلم سنسر بورڈ کو تحلیل کردیا۔ سیکریٹری اطلاعات و نشریات سلوت سعید نےنوٹیفکیشن بھی جاری کردیا۔نوٹیفکیشن کےمطابق پنجاب فلم سنسر بورڈ کے چیئرمین چوہدری گل زمان سمیت تمام ممبران کو فارغ کردیا گیا ہے۔

صوابی: یار حسین پولیس اسٹیشن پر دستی بم حملہ، ایک پولیس اہلکار زخمی

ڈسٹرکٹ پولیس آفیسر کا کہنا ہے کہ یارحسین پولیس اسٹیشن پر نامعلوم موٹرسائیکل سواروں نے دستی بم حملہ کیا ہے۔حکام نے دستی بم حملے میں زخمی پولیس اہلکار کو اسپتال منتقل کردیا جبکہ واقعہ کی پولیس نے علاقے کو گھیرے میں لیکر سرچ آپریشن شروع کردیا۔خیال رہے کہ خیبر پختونخوا میں دہشت گردی کے واقعات میں اضافہ ہوا ہے

کراچی میں ایک ہفتے میں زہریلی گیس سے 19بچوں کی اموات کا انکشاف

کراچی کےعلاقے کیماڑی میں فیکٹریوں سےنکلنے والی زہریلی گیس نے کئی ماؤں کی گودیں اُجاڑ دیں۔کیماڑی کےعلاقے مواچھ گوٹھ میں ایک ہفتےمیں زہریلی گیس سے 19 بچوں کی اموات کا انکشاف ہوا ہے جبکہ 50 بچوں کی حالت تشویشناک ہے،ضلعی محکمہ صحت نے تحقیقات کے بعد اموات کی تصدیق کر دی۔

وزیراعظم کا امریکا سے اقتصادی تعلقات میں بہتری کے عزم کا اعادہ

 پاکستان اور امریکا کےدرمیان اقتصادی اور تجارتی تعلقات کو مزید مستحکم بنانےکیلئے پرعزم ہیں۔پاکستان میں امریکا کے سفیر ڈونلڈ بلوم سے ملاقات وزیراعظم نے جنیوا میں حال ہی میں منعقد ہونے والی ریزیلیئنٹ پاکستان بین الاقوامی کانفرنس سمیت سیلاب کے بعد پاکستان کی تعمیر نو اور بحالی کی کوششوں کے لئے امریکہ کی مسلسل حمایت پر شکریہ ادا کیا۔

ایف آئی اے راولپنڈی کی ہنڈی حوالہ کیخلاف کارروائی؛غیرملکی کرنسی و سامان ضبط

 راولپنڈی: وفاقی تحقیقاتی ادارے نے راولپنڈی میں ہنڈی حوالہ اور غیر قانونی کرنسی ایکسچینج کے خلاف کارروائی کرتے ہوئے ملازمین کو تحویل میں لیکر کرنسی و آلات ضبط کرلیے۔ایکسپریس نیوز کے مطابق فیڈرل انوسٹی گیشن ایجنسی (ایف آئی اے) کمرشل بینکنک سرکل نےانٹیلجنس ادارے کے ہمراہ مال پلازہ راولپنڈی میں غیرقانونی ایکسچینج چلانے والے ڈیلر کے خلاف کارروائی کی۔

ایلون مسک نے اپنا نام ‘تبدیل’ کرلیا

ٹیسلا اور اسپیس ایکس کے بانی ایلون مسک اپنے عجیب بیانات اور اقدامات کی وجہ سے جانے جاتے ہیں۔اب انہوں نے اپنا نام تبدیل کرلیا ہے، کم از کم ٹوئٹر کی حد تک۔ایلون مسک نے ٹوئٹر پر اپنا نام تبدیل کرکے مسٹر ٹوئٹ رکھ لیا ہے۔

شدید سردی کے باعث اسکولوں کے کھلنے کے اوقات میں تبدیلی

محکمہ تعلیم سندھ نے کی شدید سردی کے باعث اسکولوں کے کھلنے کے اوقات میں تبدیلی کردی۔محکمہ تعلیم کی جانب سے جاری حکم نامے میں کہا گیا ہے کہ سردیوں کے باعث اسکول صبح ساڑھے 8 بجے کھولے جائیں گے۔شدید سردی کے باعث اسکولوں کے اوقات میں تبدیلی کا حکم نامہ جاری کردیا گیا ہے

چوہدری شجاعت فارغ ، وجاہت حسین مسلم لیگ ق کے نئے صدر منتخب

پاکستان مسلم لیگ ق کی جنرل کونسل کا اجلاس مسلم لیگ ہاؤس ڈیوس روڈ میں ہواجس میں چوہدری شجاعت حسین کو پارٹی کی صدارت سے ہٹانےکافیصلہ کیا گیا۔چوہدری وجاہت حسین کو پارٹی کا مرکزی صدر منتخب کرلیا۔طارق بشیر چیمہ بھی عہدے سےفارغ ،ان کی جگہ کامل علی آغا کو پارٹی کا مرکزی سیکرٹری جنرل بنایا گیا ہے۔

چارسدہ: دہشتگردوں کا پولیس چوکی پر حملہ، 3 اہلکار زخمی

چارسدہ:ڈھیری زرداد پولیس چوکی پر دہشت گردوں کی فائرنگ سے 3 پولیس اہلکار زخمی ہوئے ہیں۔زخمی پولیس اہلکاروں کو ڈی ایچ کیو ہسپتال منتقل کیا جا رہا ہے، جبکہ پولیس کی بھاری نفری موقع پر پہنچ رہی ہے۔پولیس کی جانب سے حملہ آوروں کی گرفتاری کے لئے علاقے میں سرچ آپریشن کا آغاز کر دیا گیا ہے۔

کراچی میں ڈاکوؤں کا واردات میں پولیس کیپ اور جیکٹ استعمال کرنے کا انکشاف

کراچی میں گرفتار ڈاکوؤں نےچوری اور ڈکیتی کی وارداتوں کے دوران پولیس کیپ اورجیکٹ استعمال کرنےکا انکشاف کیا ہے۔کراچی میں 20 جنوری کو سرسید پولیس اسٹیشن کی حدود سے مقابلے کےبعداسٹیٹ کرائم میں ملوث افراد کو گرفتار کیا تھا،جنہوں نےدوران تفتیش سنسنی خیز انکشافات کیے ہیں۔ملزمان نےدوران تفتیش چوری، ڈکیتی اور اسٹریٹ کرائمز کی 300 سےزائد وارداتوں کا اعتراف کیا ہے۔

ایک ہزار سال بعد نیا چاند کل زمین کے انتہائی قریب آئے گا

نیا چاند 992 سالوں میں پہلی بار 21 جنوری 2023 کو زمین کے قریب ترین آئے گا۔رپورٹ کے مطابق ہفتہ 21 جنوری 2023 کو نیا چاند زمین سے 356,568 کلومیٹر دور ہوگا۔ یہ سال 1030ء کے بعد سے زمین کے قریب ترین آئے گا جسے 22 جنوری 2023 بروز اتوار جنوب مغرب میں غروب آفتاب کے بعد بہترین طور پر دیکھا جائے گا۔

ایل پی جی کی گرانفروشی روکنے کیلئے اوگرا کی انفورسمنٹ ٹیمیں متحرک

آئل اینڈ گیس ریگولیٹری اتھارٹی نے ایل پی جی کی مقررہ قیمتوں سے زائد پر فروخت کی شکایات کا نوٹس لیتے ہوئے معاملے کی تحقیقات کےلیے انفورسمنٹ ٹیموں کومتحرک کر دیا ہے۔اوگرا ترجمان کےمطابق ٹیمیں حکومتی متعین کردہ قیمتوں پر ایل پی جی کی فروخت کو یقینی بنائیں گی، خلاف ورزی پر متعلقہ قوانین کے تحت کارروائی کی جائے گی۔

دیر: ٹرالر پھنسنے سے لواری ٹنل روڈ پر ٹریفک معطل، مسافر پھنس گئے

خیبرپختونخوا کے ضلع دیر میں لواری ٹنل روڈ پر ٹرالر پھنسنےسےٹریفک 2 گھنٹے سے معطل ہے۔چترال، دیر، پشاور اور اسلام آباد آنے اور جانے والے مسافر پھنس گئے۔ شدید سردی اور برفباری کے باعث مسافروں کو مشکلات کا سامنا ہے۔این ایچ اے ذرائع کےمطابق چترال اور دیر سمیت پشاور، اسلام اباد آجانے والے مسافر ڈیڑھ گھنٹوں سے پھنسے ہوئے ہیں۔

ملک میں پیٹرولیم مصنوعات کے ذخائر سے متعلق پی ایس او کی وضاحت

پاکستان اسٹیٹ آئل کےترجمان نےملک میں پیٹرولیم مصنوعات کےذخائرسے متعلق وضاحت جاری کی ہے۔ترجمان کے مطابق ملک میں پمپس پرپیٹرولیم مصنوعات معمول کے مطابق دستیاب ہیں، پیٹرول، ڈیزل کی سپلائی چین میں کوئی تعطل نہیں آیا۔بیان میں کہا گیا ہےکہ اوگرا ذخائر سےمتعلق آئل مارکیٹنگ کمپنیز کی مانیٹرنگ کررہاہے،ملک میں پیٹرولیم مصنوعات کے مطلوبہ ذخائر موجود ہیں۔

لاہور: رات 10 بجے کے بعد کاروبار کرنیوالی مارکیٹوں کو 2 لاکھ روپے جرمانے کا حکم

سیکرٹری جنرل لاہور سپر مارکیٹ محمد عمران سلیم عدالت میں پیش ہوئے،سیکرٹری جنرل نےکہا کہ عدالت سے درخواست کرتا ہوں تاحیات رات 10 بجےمارکیٹیں بندکرنےکاحکم فرما دیں، ہم سکون میں آچکے ہیں اورسب دکانداروں کا اس پر اتفاق ہے۔بعدازاں عدالت نےسی سی پی اولاہوراور ڈپٹی کمشنرسمیت دیگر افسران کو فوری احکامات پر عمل درآمد کروانے کی ہدایت کر دی۔

پاکستان کو فوڈ سیکیورٹی اور توانائی کے مسائل درپیش ہیں،بلاول بھٹو

 وزیر خارجہ پاکستان بلاول بھٹو نےکہا ہےکہ دنیا کو موسمیاتی تبدیلی سمیت کئی چیلنجز کا سامنا ہے، مسائل کے حل کیلئے دنیا کو باہمی تعاون سے چلنا ہوگا۔انہوں نے کہا کہ تیسری دنیا کی معیشتیں دباؤ کا شکار ہیں،دنیا بھر میں گیس کی قیمتوں میں اضافہ ہوا۔ پاکستان کے مسائل حل کرنے کیلئے مل کر کام کرنے کی ضرورت ہے۔

مرید نے تعویذ کے اثر نہ کرنے پر پیر کو قتل کردیا

فیصل آباد میں مرید نے بیوی سے صلح کیلئے لئے گئےتعویذ کے اثر نہ کرنے پر پیر کو قتل کرکےلاش نہر میں پھنک دی، پولیس نے ملزم کو گرفتار کرلیا۔فیصل آباد کے علاقے سمن آباد میں مرید محمد حسن نے بیوی سے صلح کیلئے پیر بابا سے تعویذ لیا مگر اثر الٹا ہوا اور دونوں کے درمیان طلاق ہوگئی۔

پیپلز پارٹی کا کراچی کی یونین کونسل کی ایک اور سیٹ پر کامیابی کا دعویٰ

پیپلز پارٹی کراچی کے صدر سعید غنی نے یونین کونسل کی ایک اور سیٹ پر کامیابی کا دعویٰ کیا ہے۔چنیسر ٹاؤن یونین کونسل 4 میں دوبارہ گنتی میں پیپلز پارٹی کا امیدوار کامیاب ہوگیا ہے۔انہوں نے کہا کہ اس سے پہلےیہ نشست جماعت اسلامی نے جیتی تھی، اب پیپلز پارٹی کے چیئرمین کےامیدوار چوہدری حامد کو کامیاب قراردیا گیا ہے۔

وزیراعلیٰ کی جانب سے اسمبلی توڑنے کی سمری گورنر کے پی کو موصول

 وزیراعلیٰ  خیبرپختونخوا محمود خان کی جانب سے اسمبلی توڑنے کی سمری گورنر کے پی  غلام علی کو موصول ہوگئی۔کچھ دیر قبل وزیر اعلیٰ خیبرپختونخوا محمود خان نے اسمبلی توڑنے کی ایڈوائس گورنر کو بھیجتے ہوئے کہا تھا کہ  ملکی مفاد میں خیبرپختونخوا اسمبلی توڑنے کا فیصلہ کیا، عام انتخابات میں ملک میں دو تہائی اکثریت سے حکومت قائم کریں گے۔

نگران وزیراعلیٰ پنجاب کیلئے پرویزالہٰی اور حمزہ شہباز میں اتفاق نہ ہوسکا

نگران وزیراعلیٰ پنجاب کی تقرری کیلئے پرویزالہٰی اور  حمزہ شہباز کے درمیان اتفاق نہیں ہوسکا۔گورنر پنجاب بلیغ الرحمان کے ترجمان کے مطابق گورنر  پنجاب نے اسپیکر صوبائی اسمبلی کو مراسلہ جاری کردیا ہے جس میں کہا گیا ہے کہ اسپیکر  آرٹیکل 224 اے 2 کے تحت آئینی عمل آگے بڑھائیں۔

عمران خان 33 نشستوں پر تحریک انصاف کے امیدوار ہوں گے: فواد چوہدری

پاکستان تحریک انصاف (پی ٹی آئی) کے رہنما فواد چوہدری کا کہنا ہے کہ تحریک انصاف  تمام نشستوں پر الیکشن لڑے گی اور عمران خان ان 33 نشستوں پر تحریک انصاف کے امیدوار ہوں گےخیال رہے کہ اسپیکر قومی اسمبلی نے آج تحریک انصاف کے 34 ارکان اور شیخ رشید کے استعفے منظور کرلیے ہیں۔

بھارت؛ دورانِ پرواز مسافر منہ اور ناک سے خون بہنے پر ہلاک

نئی دہلی: بھارت میں ایک مسافرکی پرواز کےدوران طبیعت بگڑ گئی،ان کے منہ اورناک سے خون بہنے لگا اور طیارے کی میڈیکل ایمرجنسی لینڈنگ سے پہلے ہی وہ دم توڑ گئے۔  انڈیگو ایئرلائن کی پرواز کے دوران پیش آیا۔طبیعت بگڑنے پر طیارے کو دیوی اہلیا بائی ہولکر انٹرنیشنل ایئرپورٹ پر ہنگامی لینڈنگ کی اور مسافر کو اسپتال منتقل کیا گیا۔

سندھ بلدیاتی انتخابات: لوگ بلاخوف و خطر پولنگ کیلئے جائیں: سیکرٹری الیکشن کمیشن

سیکرٹری الیکشن کمیشن عمر حمید خان نے کہا ہے کہ سندھ میں بلدیاتی انتخابات وقت پر ہوں گے، الیکشن کمیشن اپنا آئینی حق استعمال کر رہا ہے، لوگ بلاخوف و خطر پولنگ کیلئے جائیں۔کراچی میں پریس کانفرنس کرتے ہوئے عمر حمید خان نے کہا کہ صوبائی حکومت ہمیشہ بلدیاتی الیکشن میں رکاوٹ بنتی ہے،

برکینا فاسو میں مسجد پر حملہ، 9 نمازی شہید

افریقی ملک برکینا فاسو میں مسلح افراد نے مسجد پرحملہ کرکے 9 نمازیوں کو شہید کردیا۔سیکیورٹی ذرائع کی فراہم کردہ معلومات کے مطابق نامعلوم مسلح افراد نے سحل علاقے کے فالاگونتو ضلع کی ایک مسجد پر شام کی نمازکےدوران حملہ کیا،واقعےمیں 9 افراد شہید ہوگئے۔واقعےکےبعد سیکیورٹی فورسز نے علاقے کو گھیرے میں لے لیا، واقعے کی تحقیقات جاری ہیں۔

حیدرآباد کا میئر پیپلز پارٹی کا ہوگا، خواہش ہے کراچی کا میئر بھی ہمارا ہو: بلاول

چیئرمین پیپلز پارٹی بلاول بھٹو زرداری نےدعویٰ کیا ہے کہ کل ہونےوالےبلدیاتی انتخابات میں حیدرآباد کا میئر پی پی کا ہو گا، خواہش ہےکہ کراچی کامیئربھی ہمارا ہو۔ بلاول بھٹو زرداری کا کہنا تھا پیپلز پارٹی بہت دیرسےان بلدیاتی انتخابات کی منتظرتھی ہم چاہتے تھے کہ الیکشن ہوں لیکن سیلاب اور کورونا کی وجہ سے انتخابات تاخیر کا شکار رہے۔

شکارپور: وین اور کار میں تصادم، 3 افراد جاں بحق، 7 زخمی

شکارپور میں انڈس ہائی وے پر مسافر وین اور کار میں تصادم کے نتیجے میں 3 افراد جاں بحق اور 7 زخمی ہوگئے۔پولیس کے مطابق شکارپور میں خانپور انڈس ہائی وے پر مسافر وین اور کار میں تصادم ہوگیا، پولیس کا کہنا ہے کہ لاشوں اور زخمیوں کو خانپور منتقل کردیا گیا ہے، کچھ زخمیوں کی حالت تشویشناک ہے۔

چین میں ایک ماہ کے دوران کورونا سے 60 ہزار اموات ہوئیں

چین کے سرکاری اعداد و شمار کے مطابق ملک میں ایک ماہ کے دوران کورونا سے تقریباً 60 ہزار افراد ہلاک ہوئے۔چین کے بیورو آف میڈیکل ایسوسی ایشن کے سربراہ جیاویا ہوئی  نے بتایا کہ چین میں کورونا میں مبتلا شدید بیمار افراد میں اکثریت بزرگوں کی ہے، ملک میں 8 دسمبر 2022 سے 12 جنوری 2023 کے دوران کورونا سے 59 ہزار 938 اموات ہوئیں۔

خیبرپختونخوا حکومت نے نگران سیٹ اپ کیلئے تین ناموں پر غور شرو ع کردیا

پشاور: خیبرپختونخوا حکومت نے نگران سیٹ کیلئے مختلف ناموں پر غور شروع کردیا۔خیبرپختونخوا کے وزیر برائے ہائر ایجوکیشن کامران بنگش نے کہا ہےکہ نگران سیٹ اپ کی تیاری کا کام شروع کردیا گیا ہے جس کیلئے حکومت اور اپوزیشن نے تین تین نام دینے ہیں، نگران سیٹ اپ کی تیاری صوبائی اسمبلی توڑنےکے پیش نظرکی جارہی ہے۔